動漫評論

十個你應該睇(多幾次)《Fate/stay night Heaven’s Feel II. Lost Butterfly》嘅理由 56k推坑簡評

十幾年過去,fate原作最重要嘅劇情路線終於動畫化,

作為《Fate/Stay Night》,特別係hf線嘅fans,見到ufo再一次負責改編《Fate/stay night Heaven’s Feel》簡直係老淚縱橫,無論係還原度定係畫面表現都係業界頂尖嘅,大家都知就唔多講。
要提嘅係,HF線同其他同屬TM嘅動畫作品唔同,要對故事設定有基礎知識先會睇得明,如果你本身係為左丁女/跟風嘅,麻煩入去睇完出少句聲,去睇返ufo之前改編嘅UBW,或者直接玩下原作,等你嘅月廚朋友反少兩次白眼,月廚要同newbies解釋設定係一件好痛苦嘅事,所以愛惜你地嘅月廚朋友,想知嘅野就自己google返,please。

希望大家睇完試下代入士郎,感受一下櫻嘅性格,理解一下櫻嘅行為原理。

希望大家唔好淨係着眼喺櫻嘅身材,用更全面嘅角度了解“間桐櫻”依一位女性之所以係《Fate/Stay Night》之中最後亦都係最重要嘅女主角嘅原因。

(前作《Fate/ stay night Heaven’s Feel I. Presage Flower》劇照)

要讚嘅野好主觀,有幾點想特別講下,可能會引起一眾由fgo入坑甚至係月廚所鞭撻,如果你地對特定角色有愛嘅,最好比定啲心理準備,我可能會令未睇嘅你唔開心。

1.Ufotable好努力地將原作cg還原,但佢漏左一張好重要好重要嘅。(睇到最後)

2.大家好喜歡嘅AUO無戲份,希望ufo未來會將HA動畫化,嗰個連男人見到都會出水嘅認真mode比佢一雪前恥。

3.真正嘅狂戰士係咁打嘅,你估技能欄有個狂化EX然後正常傾到計就叫狂戰士?少年你太年輕喇,海格力斯狂化得B咋,依種打法先似樣架嘛。

4.大家真係可以數下Saber連發左幾多野EX咖哩棒,成件事係EX咖哩棒放題。

5.慶幸Fate嘅fans基本盤夠硬淨,咁多年黎既發展終於足夠撐起一個唔係處又腹黑又痴線嘅女主角喺大銀幕上出現(利申櫻廚),ufo唔需要美化櫻,我地可以睇到櫻真實嘅一面。

6.神谷浩史又一次演技show off,值得細心睇三次。

7.識郁嘅Rider好可愛。Rider好可愛。Rider好可愛。

8.大體上,重要嘅部分都有完整重現,某幾個場景演出同加筆更加係大加分。

9.第一幕唔係作畫崩壞,連結返上集最尾發生嘅事你就明。

10.Youtube睇預告同銀幕睇預告係兩個世界,你明白十幾年月廚睇到Archer手聖骸布隨風飄逸嘅嗰份感動嗎?留到最後,睇埋先走。

結論黎講,你係月廚就刷多幾次享受下銀幕上嘅Fate,唔係月廚睇唔明嘅就刷多幾次睇明佢喇!

大概要講嘅係咁多,圖下收。

.

.

.

.

.

.

.

.

.

.

.

.

驚不驚喜 意不意外?

 

多謝新映,唔止大膽引入日系動畫電影,更加唔計較肯同我地一班無名小輩合作,在此代表敝站致以最大感謝。

#多謝新映 #fate #heavensfeel #lostbutterfly #Neofilms

九叔
Secrets執屎隊長,文科出身但不愛寫文。 除了hea就是hea,月廚一個。