垃圾新聞

《銀魂》高松信司:「要罵幕後的話,最應該罵的是監督才對」

最近一排,高橋ナツコ都接咗唔少評價好差嘅伏片,例如《覇穹 封神演義》、《帶著智慧型手機闖蕩異世界。》,加上之前有監督爆過高橋ナツコ大鑊,導致日本網民見到新作有高橋ナツコ個名喺度就屌咗高橋ナツコ先。又例如岡田麿里做機佬劇劇本,日本網民又係未睇實片就鬧住先。咁啱今日早上,《銀魂》嘅高松信司就對呢種現象發表咗少少個人睇法:

成日見到有人會因為動畫作品嘅內容屌鳩(例如編劇)嘅特定幕後,不過現在嘅製作模式裡面係每間公司嘅幾個製作人(P)嚟度份定稿出嚟,編劇自己一個人嘅話語權其實好細。

編審(シリーズ構成)編嘅故事,都要聽取監督、原作、銷售公司嘅意見嚟度個故事。

如果去到日劇倉本聰、橋田壽賀子呢個Level嘅話,當然會將份劇本一字不改咁拍出嚟,不過動畫界就無呢支歌仔唱……

所以,要因為作品嘅內容而屌,就應該屌監督。


呢個講法係有側面證據嘅,當虛淵玄講起《魔法少女小圓》,就曾經講過小圓嘅劇組同其他動畫唔同,虛淵寫起份劇本,劇組就直接攞嚟用;而岡田麿里做《於離別之朝束起約定之花》監督接受訪問嘅時候,亦話過過去自己寫嘅劇本經過好多人修改,最後出嚟嘅成品未必係自己想要嘅野……

鴨伯
粉紅站客席編輯,喜好為毒系後宮類作品
http://www.acgsecrets.hk/